Башкортстанда яшәүче Люзия һәм Фәнис Әхмәтвәлиевләр 16 бала тәрбияләп үстерәләр. Аларның 13е-тәрбиягә алынган балалар.
⠀
«Без балаларның гаиләле булуларын, наз, җылы тоеп үсүләрен телибез. Балаларга булышырга кирәк»,- ди алар.
⠀
Бертуган балаларны бер-берсеннән аермас өчен, алар хәтта берьюлы 4 бала тәрбиягә алалар.
⠀
«Алар да әти-әниле булырга телиләр, җылылык тоясылары килә. Ә балалар йортында боларның берсен дә бирмиләр. Без аларны беренче күрүдә яраттык. Нинди генә бәйрәм булмасын, без һәрвакыт бергә күңелле, дус-тату бәйрәм итәбез», — ди үзләренең кызлары Регина Кәримова.
⠀
Люзиянең хәзерге вакытта 6 оныгы бар. Аларның мәхәббәтләре балаларның һәрберсенә дә җитә. 2016 елда бер оныгы хастаханәгә эләккәч, ул әти-әниләре ташлап киткән балалар палатасын барлыгын белеп, үзләренең авылларында «Безнең балалар» фондын төзи. Фондта балаларны тәрбиялиләр, аларны анда тәрбиячеләр карый.
⠀
«Балаларга дөрес тәрбия бирергә кирәк. Чөнки син аларга нәрсә бирсәң, алар сиңа шуны кайтара. Шулай ук аларга карата мәхәббәтле дә була белү мөһим», — дип белдерә Люзия ханым.