Чыганак мәгълүматлары буенча, узган сишәмбе кичендә бер егет Әмирхан урамында урнашкан Казан нуры мәчетеннән ике телевизор урлап чыккан. Иман йортына килгән зыян 8 мең сум тәшкил иткән.
Россия Эчке эшләр министрлыгының Казан шәһәре буенча идарәсе матбугат хезмәтеннән хәбәр итүләренчә, каракны «кайнар эз»дән кулга алганнар. Ул Казанда яшәүче 22 яшьлек егет булып чыккан. Әлеге факт буенча җинаять эше кузгатылган.
Чыганак: "Татар-информ"