Татарстанда «Хендэ» җиңел машинасы фура астына керә. Авариядә хатын-кыз һәм бала һәлак булды. Бу хакта «Татар-информ»га үз чыганакларыннан билгеле булды.
Авария бүген иртән республиканың Менделеевск районында булды. Башлангыч мәгълүматлар буенча, чит ил машинасы руле артындагы хатын-кыз каршы полосага чыгып, идарәне югалткан һәм фура белән бәрелешкән.
Авариядә ике кеше һәлак булды. Чыганак мәгълүматлары буенча, һәлак булучылар – ана һәм аның 9 яшьлек баласы.
Мәгълүмат: tatar-inform.tatar