Камал театры артисты Эмиль Талиповның кызы туган. Бу хакта Камал театры инстаграмында хәбәр ителде.
«Дуслар, шатлыклы хәбәр! Эмиль һәм Илсөяр Талиповлар гаиләсендә кыз туды! Эмиль һәм Илсөяр беренче тапкыр әти-әни булдылар! Аларны чын күңелдән котлыйбыз!
Кызыгызның әнисе кебек гүзәл, әтисе кебек акыллы булып үсүен телибез! Гаиләгезгә сәламәтлек, бәхет, иминлек, балаларыгызны тәрбияләүдә сабырлык, бары тик рәхәт мәшәкатьләр, куаныч-сөенечләр! — дип язалар әлеге бәхетле гаилә турында хезмәттәшләре.