Социаль челтәрләрдә таралган “бүреләр өере” турында хәбәр чынмы?

-- Alina

Социаль челтәрләрдә Татарстан һәм Башкортстан районнарына бүреләр килгән икән, дигән хәбәр таралды. Хайваннарның Казахстан ягыннан килүе ихтимал, диләр. Мессенджерларда бүреләрне ату, абзарларга кереп аларның малларга зыян салуы турындагы видеолар да яшен тизлеге белән таралды.

“Казахстан ягыннан зур өер булып бүреләр килә. Ата-аналарны балаларны күз уңында тотарга, урамга чыгарып җибәрмәскә, балыкка йөрүне туктатырга кирәклеге турында кисәтегез. Мәгълүматны чик сакчылары раслады”, – диелгән хәбәрдә.

 

Ләкин Башкортстанның Гадәттән тыш хәлләр министрлыгының Башкортстан буенча Баш идарәсе дә, Татарстанның биологик ресурслар буенча дәүләт комитеты да бу мәгълүматны кире кага.

– Республика халкыннан тынычлык саклавыгызны һәм рәсми чыганакларга гына ышануыгызны сорыйбыз, — ди алар.

Әлеге видеоның узган елның октябрендә Ханты-Мансийск округында төшерелгән булуы ихтимал икән. Кайбер чыганакларда бүреләрнең Түбән Камага килеп җитүе турында да әйтелде.

– Халык арасында таралган видеолар Татарстанда төшерелмәгәндер, чөнки бу хайваннарның таралуы җитди контроль астында тора. Һәм әлеге районда вазгыять тыныч, – диделәр Татарстанның биологик ресурслар буенча дәүләт комитетының матбугат үзәгендә.

 

 

Мәгълүмат Ватаным Татарстан
Загрузка...

Бәйле

Добавить комментарий