Барлык пациентлар да медицина күзәтүе астында, үзләрен яхшы хис итә. Бүгенге брифингны Татарстанда коронавирус таралу буенча оператив штаб башлыгы вице-премьер Ләйлә Фазлыева шушы статистикадан башлады.
«Чикләү чаралары Татарстанның бөтен территориясендә санитар-эпидемиологик хәлне яхшырту өчен һәм Татарстанның баш санитар табибы Марина Патяшина күрсәтмәсе буенча дәвам итә. Сәүдә өлкәсендә предприятиеләрнең эшчәнлеге, элемтәләрне киметү өчен, безгә чараларны үтәргә кирәк булу сәбәпле, туктатылды».
Шул ук вакытта Ләйлә Фазлеева халык кулланышы товарлары һәм сәнәгать товарлары белән сәүдә итүнең 100 квадрат метрга кадәр булган кибетләрдә мөмкин булуын билгеләп үтте. Чикләү чаралары даруханәләр, даруханә челтәрләре эшенә кагылмый.
«Татарстанда оешмалар һәм учреждениеләр эшчәнлеге санитар-эпидемиологик режимны үтәгән очракта гына гамәлгә ашырыла», — дип өстәде Фазлыева.
Шулай итеп, Татарстан, гомумән алганда, Россиядә үз-үзеңне изоляцияләүне озайту турындагы карарны хуплый. Әмма республика хакимияте үз төбәгендә хәлдән чыгып эш итәчәк.
Чыганак: Казанский репортер