95 яшьлек сугыш ветераны Әнвәр бабай Низамов Берлинга кадәр җитеп, туган ягына исән-сау кайта.
Мәскәүнең “Татар Штабы” Бөек Ватан сугышы ветераны, Татарстанның Буа районында яшәүче Әнвәр Борһан улы Низамов өендә булып, аннан әңгәмә алып кайтты. Әнвәр бабай 1924 елның 15 октябрендә Буа районы Югары Наратбаш авылында туа. 1942 елда сугыш барганда мәктәпне тәмамлауга сугышка алалар. Шоферлар курсын үтә, сугышта зенитчы була, Берлинга кадәр барып җитеп туган якларына исән сау кайта. Ветеран Мәскәү “Татар Штабы”на иң мөһиме сәламәтлек, тыныч, матур көннәр теләде.