Иртәнге сәгать җиделәр тирәсендә урам җыештырырга чыккач, сабыйның елаганын ишетеп ала ул.
Елау чүп багы тирәсеннән булганга, шунда бара һәм пакетта яткан сабыйны күреп ала. Баланы җылыга алып кереп, ашыгыч ярдәм һәм полиция чакырта. Бу хәл Башкортстанның Туймазы шәһәрендә була, дип яза ria.ru. Хокук сакчылар кайнар эздән баланың әнисен ачыклый. Ул 36 яшьлек хатын була. Ул ике балигъ булмаган баласы белән абыйсы фатирында яши. Сабыен иртәнге сәгать 4тә таба һәм чүплеккә чыгарып куя.
Чыганак: Шәһри Казан