Омск өлкәсенең Тикшерү комитетында өч яшьлек кызның әти-әнисенә каршы җинаять эше кузгату турында хәбәр итәләр, алар кызын кыйнауда гаепләнә. Массакүләм мәгълүмат чараларында ир-ат һәм хатын үз баласын кыйный, шулай ук өлкән яшьтәге туганыннан акча тартып алу турында хәбәр тарала. Эш шунда ук өч маддә буенча кузгатыла: газаплау, урта авырлыктагы сәламәтлеккә зыян салу һәм ата-ананың балаларны тәрбияләү буенча бурычларын үтәмәве.
Аерым алганда, 8 майда баланы кыйнаганнар, ә 11 майда гына хастаханәгә салганнар. Табиблар аның баш мие селкенүен, анемия һәм аксым-энергетика җитешсезлеген ачыклаган.
Мәгълүматларга караганда, гаиләдә тагын дүрт балигъ булмаган бала яши. Гаилә имин булмаган дип санала, 2018 елның февраленнән бирле исәптә тора. Әтиләре биш тапкыр хөкем ителгән. Хәзер балалар социаль учреждениедә.
Чыганак: МК