Яңа уку елы Россиянең барлык төбәкләрендә 1 сентябрьдә башланачак. Бу хакта ТАСС, Дәүләт Думасы депутаты Василий Власовның мәктәп дәресләрен 1 октябрьгә кадәр кичектерү тәкъдимен шәрехләп, мәгариф һәм фән министрлыгының матбугат хезмәтендә хәбәр иттеләр.
«Уку елы башлану, гадәттәгечә, 1 сентябрь көнне барлык төбәкләрдә дә, уку планын һәм бердәм белем бирү киңлеген саклап калып, планлаштырылган», — диделәр министрлыкта.
Регионнарга уку процессы укучыларның да, педагогларның да сәламәтлеген тулысынча саклау өчен барлык кирәкле җайланмалар бирелгән.
Чыганак: "БИЗНЕС Online".