Балтачта янгын чыгып, дүрт пенсионер йортсыз кала. Үзләре…

//Татар Тудей// Татар Бүген//

29 август көнне Балтач районының Таузар авылында Рашат Шәрифуллиннар хуҗалыгында янгын чыккан. Анда әби белән бабай, аларның улы һәм килене яшәгән була.

– Янгын көндез чыкты. Сәбәбен – электр чыбыкларында, диләр. Ярый әле янгын төнлә булмаган. Бәхеткә, өйдәгеләр чыгып котылган, – ди Карадуган җирлеге башлыгы урынбасары Фәйрүзә Миннебаева. – Авылдашларыбызның бар каралты-курасы янып бетте. Лапастан башланган янгын, тиз арада бөтен өйләрен камап алды. Күршедә кеше тормый торган иске өй бар иде. Аңа да үрелгән иде, вакытында күреп сүндерделәр. Әле ярый башка йортларга күчмәде дип сөенәбез. Әлегә Шәрифуллиннар авылдагы туганнарында яшәп тора. Безнең җирлеккә кергән авыллардан акча җыйдык инде. Тагын да ярдәм кирәк. Ничек тә бу гаиләне йортлы итәсе иде, – ди Фәйрүзә ханым.

 

Чыганак: Ватаным Татарстан
Загрузка...

Бәйле

Добавить комментарий