9 ноябрьдә Воронежда офицер һәм ике хезмәттәшен үтергән 20 яшьлек Антон Макаровны кулга алганнар.
Бу хакта Baza телеграм-каналы хәбәр итә. Аларның мәгълүматлары буенча, моңарчы яшь кеше машинаны куып алып киткән һәм аңарда качарга тырышкан.
Эчке эшләр министрлыгының төбәк идарәсе матбугат хезмәтендә Макаровны тоткарлау турындагы мәгълүматны раслаганнар. Аны Семилукский районының Землянск авылында тоткарлыйлар. Көнбатыш хәрби округы мәгълүматлары буенча, хәзерге вакытта шикләнелүче белән тикшерү эшләре алып баралар.
Искәртеп үтик, 9 ноябрь иртәсендә 20 яшьлек хәрби Антон Макаров үзе хезмәт иткән частьтә офицерны балта белән чабып үтергән, шуннан соң аның пистолетын алган, ике хезмәттәшен атып үтергән һәм фаҗига урыннан качкан.
Воронежда аны тоту буенча «план-перехват» игълан ителгән иде.
Чыганак: Бизнес-Онлайн