Татарстанда мәҗбүри битлек режимы 2021 елның язы тәмамланганчы төгәл гамәлдә булачак, шуннан соң барысы да яңа коронавирус инфекциясенә бәйле булачак. Бу хакта Роспотребнадзорның Татарстан буенча идарәсе җитәкчесе урынбасары Любовь Авдонина белдерде.
«Ковидны профилактикалау буенча санитар кагыйдәләр 2021 елның 1 гыйнварына кадәр гамәлдә булганда, мин сезгә сезонлы кискен респиратор вирус инфекцияләренең классик күтәрелеше ахырына кадәр масклы режимны сакларбыз дип әйттем, ә ул бездә традиция буенча март ахырында тәмамлана һәм кайвакыт апрельгә кадәр сузыла. Ягъни бу чорга кадәр без битлек режимын калдырдык», — диде Авдонина республикада санитар-эпидемиологик хәлгә багышланган матбугат конференциясендә.
«Бүгенге көндә санитар кагыйдәләргә үзгәрешләр кертелде, һәмбитлекләрнең гамәлдә булуы 2022 елның 1 гыйнварына кадәр озайтылды. Шуңа күрә бүгенге көндә бездә битлек режимы сакланачак. Тагын бер кат кабатлап әйтәм: язга кадәр -100 процент, ә алга таба җәйге чорга ситуациянең ничек үсәчәген карыйбыз», — дип өстәде спикер.
Чыганак: Бизнес-Онлайн