Бу максатларга федераль бюджет чыгымнары елына якынча 60 миллиард сумга җитәргә мөмкин.
Исәп палатасы ата-аналарга балаларны мәктәпкә әзерләү өчен «ана капиталы» акчалары исәбенә 20 мең сум күләмендә еллык түләүне кертергә тәкъдим итте.
Якынча бәяләүгә караганда, бу максатларга федераль бюджет чыгымнары елына якынча 60 миллиард сумга җитәргә мөмкин. Моннан тыш, ведомство «ана капиталы»н куллану вакытына үзгәрешләр кертергә тәкъдим итте.
Әлеге вакытта, Исәп палатасы искәртеп узганча, балага өч яшь тулганчы ата-аналарга тиешле акчаларны кредит, мәктәпкәчә белем бирү, инвалид балалар өчен товарлар сатып алу һәм ай саен бирелә торган түләүләр өчен файдаланырга мөмкин. Әмма ведомствода «ана капиталы»н торак сатып алуга, белем бирүнең башка төрләренә һәм тупланма пенсиягә тотарга рөхсәт итәргә кирәк, дип саныйлар.
Яңа чара 1,5 миллионнан артык кешегә кагылыр иде, ә аны тормышка ашыру өчен 47,2 миллиард сум тирәсе акча кирәк булачак, дип белдерәләр ведомствода.
Чыганак: https://kiziltan.ru/articles/obraz/2021-10-01/r-balaga-20-me-sum-t-l-rg-uylyylar-2527166 Фото: https://pixabay.com/ru