Татарстан Республикасы Президенты каршындагы татар телен саклау һәм үстерү мәсьәләләре комиссиясе ярдәмендә «ШАЯН ТВ» балалар каналы «Балачак җыры» бәйгесендә җиңү яулаган җырларның клипларын тәкъдим итә.
12 ноябрь көнне, «ШАЯН ТВ» каналының туган көненә багышланган бәйрәм чарасында әлеге клипларның презентациясе үтте.
Хәзер исә аларны «ШАЯН ТВ» каналының эфирында, рәсми сайт һәм YouTube канал аша карарга мөмкин. Җырның канаты бар дип юкка гына әйтмиләр. Ә канат куярга “ШАЯН ТВ” булыша! Балачак җыры һәр күңелдә яңгырасын!