Казанда, хәзер инде Татарстанның атказанган артисты, Илсөя Бәдретдинованың концертлары бара.
Җырчының концертына аның дизайнеры Алинә Бәдретдинова да килде.
— Күп кенә вакыт мин яңа күлмәк киям, бик күп күлмәк алмаштырам. Инстаграмда миңа язарга тотынасыз. Кайсы кибеттән алып була, ничә сум дисез…Ул бәясез! Ул дөнья йөзендә бер генә! Эксклюзив! Ул Алинаныкы, — дип сөйли Илсөя Бәдретдинова үз дизайнеры турында.
— Бик уңайлы клиент. Ләкин бер минусы бар! Аңа төнлә илһам килә. Берәр образ өстендә эшләгәнче талашып та, сугышып та бетәбез! Иң уңышсыз образлар — Илсөя идеяләре, — дип шаккаттыра дизайнер ханым.