Илмира Нәгыймова: “Моны сез беркайчан да белмәссез!”

Җырчы Илмира Нәгыймова бераз гына авырап киткән. Хәтта тән температурасы югары булу сәбәпле, Казанда булачак чарага бара алмыйча калган.

Инстаграмда Илмира Нәгыймова еш кына үз язылучылары арасында “сорау-җавап” сәхифәсе уздыра.

Шундый сәхифә барышында Илмирага “Сез берәр партнер таптыгызмы?” дигән сорау биргәннәр.

– Бу иң күп кабатлана торган сорау! Бер нәрсә генә әйтә алам. Бәхет ул тынычлыкны ярата. Тапсам да, тапмасам да – моны сез беркайчан да белмәячәксез, – дигән җырчы.

“Руслан белән аралашасызмы?” – дигән сорау да биргәннәр.

– Бер дә аралашмыйбыз! Иң мөһиме – балалар аралаша, – дип җавап кайтарган җырчы.