Алла Пугачеваның якын дусты Александр Левенбук белдерүенчә, артистка Россиягә кайтырга ниятли.
Аның сүзләренә караганда, Израильдә ул якынча көзгә кадәр булачак. Ул билгеләп үткәнчә, Пугачева иленнән бөтенләй китәргә ниятләмәгән, монда ул — хөрмәтле һәм абруйлы кеше. «Ул сүзләрен җилгә ташламый, димәк, кайтачак», – ди Левенбук.
Йолдыз ире белән кайтамы, әллә үзе генәме — аныкланмаган. Искәртеп узабыз, «Украинада махсус операция» башлангач, гаилә Израильгә китте. Артист гаиләсе белән бергә анда аена 1 миллион сумга вилла арендалый.
чыганак: https://kiziltan.ru/articles/kultura/2022-05-06/alla-pugacheva-rusiyag-kayta-2796030