Татарстанда эссе һава торышы киләсе атнада да саклана. 8-9 августта көндез һава температурасы 30 градустан югары булачак.
Синоптиклар мәгълүматлары буенча, 5-7 августта Татарстанда явым-төшеп ихтималы аз. Төнлә һава температурасы +12..+17 градус, ә көндез +28..+33 градус фаразлана. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.
Якынча фаразлаулар буенча, 8-9 августта көндез һава температурасы +27..+33 градус көтелә. Явым-төшем ихтималы аз, бары тик 9 августта гына кыска вакытлы яңгыр яварга мөмкин.
чыганак: https://tatar-inform.tatar/news/kilase-atnada-tatarstanda-33-graduska-kadar-esselek-kotela-5858313