Татарстанның атказанган артисты Данир Сабиров үзенең телеграм каналында сәер пост калдырды. Анда ул «Уф, моның өчен утыртмасалар ярый инде, хәзер барысын да аңлатам. Һәр көн бәйрәм кебек бездә», дип яза.
Аннары ул ачыклык кертте. Данирның хатыны Миләүшә картасыннан 2699 сум акча алынган. Миләүшә аны караклар эшләгән дип уйлаган һәм банкка картаны ябарга дип шалтыраткан. Карта Данирга да беркетелгән булган икән. Җырчы завправкада түләгән һәм акча Миләүшә картасыннан алынган.