«Улицы разбитых фонарей» йолдызы Андрей Божанов Мәскәүнең бер банкына хөҗүм иткән. Максаты — акча урлау була. Ләкин барысы да ул планлаштырганча барып чыкмый — кассир ярдәмгә чакыру төймәсенә басарга өлгерә.
Ир банк хезмәткәренә «МР-80-13-Т» пистолеты белән яный, ләкин ул качарга өлгерә. Полиция хезмәткәрләре актерны тиз эзләп таба, үз фатирыннан чыгып, баскычтан төшкәндә тоткарлыйлар.
Артистның дусты сөйләгәнчә, Бажановның бизнесы пандемиядә зыян күрә. Шуның аркасында аның 5 млн сумлык бурычлары җыелган. Божановка карата «Талау» маддәсе буенча җинаять эше кузгатылган. Аңа 15 елга кадәр ирегеннән мәхрүм ителү куркынычы яный.
чыганак: https://vatantat.ru/2022/10/95153/