«Манзара» тапшыруында кунакта Салават һәм Гүзәлем Миңнехановлар булдылар. Алар Яңа ел төнендә ТНВда чыгачак «Хәситә» мюзиклы геройлары.
«Безнең өчен шушы мюзиклда катнашу — зур дәрәҗәдә. Без гаиләне уйныйбыз. «Хәситә»дә безнең пар аерылышырга тора. Монда без талашырга өйрәндек, хәтта тормышта да текстны кулланып җибәрәбез. Безнең исемнәребез үзебезнеке сакланды, кызыбыз Әминә һәм улыбыз Илгиз дә бар. Салават күптәннән ул турында хыяллана иде, менә өйрәнә дә тора», — дип сөйли Салават һәм Гүзәлем үз персонажлары турында.