Россия Федерациясе Президенты Владимир Путин Кеше хокуклары буенча Совет утырышы барышында өстәмә мобилизация уздыру кирәк түгеллеген белдергән. Бу хакта ТАСС хәбәр итә.
«Өстәмә мобилизация уздыру турында сөйләшүнең мәгънәсе юк. Бүгенге көндә Дәүләткә һәм Оборона министрлыгына бу кирәк түгел» — диде Владимир Путин.
Россия Президенты сүзләренчә, мобилизацияләнгән 300 000 гражданнарның 77 000 генә хәзерге вакытта хәрби бүлекчәләрдә исәпләнә. Калганнары яки территорияне саклауда кизү торалар яки хәрби әзерлекләр үтәләр.