Татарстан Гидрометеоүзәгеннән хәбәр ителгәнчә, ял көннәрендә 20 градуска кадәр суыта.
Кайбер районнарда томан төшәргә мөмкин. Шимбә, якшәмбе – 18 һәм 19 февральдә көндез термометрның терекөмеш баганасы –6…–12 градус күрсәтәчәк. Төнлә һава температурасы –11…–16, урыны белән –20 градуска кадәр төшәчәк.
Синоптикларның башлангыч фаразына караганда, киләсе атна башы – 20–21 февральдә болытлы һава, аз гына кар явачак. 20 февральдә көндезге температура –4…–9 градус чикләрендә тирбәлсә, төнлә –9…–14 градус булачак. Сишәмбе – 21 февральдә көндез –7…–12, төнлә –12…– 17.
чыганак: https://vatantat.ru/2023/02/105150/