Татар эстрадасының иң матур, тату парына ни булган?
Җәвит Шакиров социаль челтәрдәге сәхифәсенә хатыны Зөлфия белән төшкән матур фото куйган.
«Сөеп-сөелеп, мәхәббәт утында янып яшәргә язсын», — дип язган ул. «Никах яңарттык», дип тә өстәгән.
Әнә шул сүзләр күпләргә тынгы бирми дә инде.
«Искесен, кирәкмәсә, безгә бирегез, зинһар өчен», – дип шаярткан Данир Сабиров.
«Җәвит абый, никах яңартырлык гөнаһларың бар идеме?», «Сез гел бергә бит. Никахны хыянәт иткән кеше генә яңарта», – дип аптыраучылар да бар.
«Җәвит елдан-ел яшәрә, Зөлфиякәй бирешә»; «Вакыт үзенекен ала, Зөлфия нык олы күренә», – дигән берсе. Монысы точно Зөлфиякәйдән көнләшүче булыр.
Чөнки «матур гаилә», «пар килгәнсез», дип язучылар барыбер күбрәк.
чыганак: https://kiziltan.ru/articles/kultura/2023-02-16/vit-shakirov-nikah-ya-artkan-ll-3144800