Узган атнада, 20 февральдән 26 февральгә кадәр, Гражданлык хәле актларын теркәү идарәсенең Казан бүлекләрендә 313 бала — 166 малай һәм 147 кыз тууы теркәлгән. Шул ук вакыт аралыгында 145 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.
Иң кечкенә сабый 1350 грамм авырлыкта туган, ә иң зурысы 5070 грамм тәшкил иткән.
Атнаның иң популяр исемнәр арасында Кәрим, Әмир, Радмир, Алинә, Аиша, Амелия булган, ә иң сирәк исемнәр – Ариан, Назар, Муса, Лунна, Вера, Яромира.