Казан телеманарасын бизәү Татарстан башкаласында бәйрәм мохитен тудырачак, халыкка һәм кунакларга Ураза бәйрәме җиткергән гомумкешелек кыйммәтләре турында искә төшерәчәк.
20 апрельдә Казан телеманарасында бәйрәм утлары кабыначак. Бу Ураза гаетен бәйрәм итү белән бәйле.
Татар милли орнаментлары һәм «Ураза бәйрәме» язулы светодинамик тамашаны ТР башкаласы халкы һәм кунаклары 19:00 сәгатьтән 23:00 сәгатькә кадәр күзәтә алачак, дип хәбәр итә Татарстан мөселманнары Диния нәзарәте.
Исегезгә төшерәбез, Татарстанда Ураза гаете 21 апрельдә, Корбан гаете 28 июньдә узачак.