Әбинең кызы карап торган. Зәмирә Рәҗәпова гаиләсендә нинди «чы-пы»?
Якташыбыз, билгеле алып баручы Зәмирә Рәҗәпова социаль челтәрдә еш кына гаиләсенең «ишекләрен ача».
«Бу көннәрдә эш бик тыгыз булды. Ифтар, семинар, 2 көндә 6 тапшыру яздырдык, шул арада бакча, мәктәп, хоккей, зоом…
Кичә кич өйгә кайткач, санымны җыя алмыйча, диванда утырам. Камилә – минем итәктә, Данил янымда… Бервакыт баскычта нидер дөмбердәп барып төште. Мин автомат рәвештә Камиләне диванга утыртам, Данилны атлап чыгам, йөгерәм баскычка:
– Кайсыгыз егылды? Данил? Камилә? Кайда сез? Астамы, өстәме?
Залдан әни миңа: «Әллә исәрләнәсең инде, балалар залда бит», – ди.
Менә бу – аруның соңгы стадиясе, җәмәгать!
Баскычта минем балалар түгел, кайнанамның малае таеп киткән икән. Фух, кот очты, минекеләр дип торам», – дип язган «Татарстан – Яңа гасыр» телеканалында «Әй язмыш, язмыш» тапшыруын алып баручы Илеш кызы.
«Тыела алмыйча көләм. Вәт, шәп әйтелгән, «минекеләр дип торам»;
«Арыган күзләрем ачылып китте, «кайнанам малае» дигәч. Кайнана малае белән исән-сау яшәгез»;
«Уф үтердең, көлдереп», – дигән аның виртуаль дуслары.
Барлык-барлык әби кызлары, кайнана малайларына — имин тормыш!
чыганак: https://kiziltan.ru/articles/gail-uchagy/2023-04-17/kaynanamny-malae-taep-kitk-n-ik-n-3222595