ТР Гидрометеорология һәм әйләнә-тирә мохитне күзәтү идарәсе фаразлавынча, май аенда Татарстанда уртача айлык температура климатик нормага туры киләчәк.
Республика өчен майда климатик норма +13,6 градуска тигез. Явым-төшем күләме дә нормага якын – 41 миллиметр тәшкил итәчәк.
Шул ук вакытта, апрельнең соңгы декадасы климатик нормадан 4 градуска җылырак булачак (республика өчен ул +8,5, Казан өчен +9 градус тәшкил итә).
чыганак: https://tatar-inform.tatar/news/mai-aenda-tatarstanda-hava-temperaturasy-normaga-yakyn-bulacak-5870101