Башкортстанның атказанган артисты, күпләрнең яраткан җырчысы, дүрт бала анасы, чибәр хатын…
Тагын ниләр өстәрсез?
Кичә җырчы Ландыш Нигъмәтҗанованың туган көне иде.
«Туган көнем белән мине. Шулай исән-имин генә, тыныч кына, бәхетле булып яшәргә язсын. Тормышымда булган барлык кешеләргә рәхмәт», – дип язып, фотолар куйган җырчы социаль челтәрдәге сәхифәсендә.
Ландышны дуслары бик матур котлаган. Шул исәптән җырчы Илсөя Бәдретдинова да: «Бәхетең аягыңа уралып йөрсен, матур кыз», – дип комментарий калдырган.
Аңа җавап итеп, Ландыш: «Амин. Абынып кына егылмаска инде шулхәтле уралган бәхеттән», – дип көлгән.
чыганак: https://kiziltan.ru/articles/kultura/2023-06-04/abynyp-kyna-egylmaska-ide-3287461