Башкортостанның Ишембай районының Әхмәр авылында 26 июньдә ике малай үзләре генә урманга болынга китә, анда аларга бал кортлары һөҗүм итә. Сигез яшьлек бала кача һәм йортына кайтып җитә, анда ул абыйсының урманда калуы һәм үзе генә котыла алмавы турында хәбәр итә. Әтисе һәм абыйсы болынга барып, бал кортларын куганнар һәм баланы азат иткәннәр.
Малайларны авыл медпунктына алып киләләр, анда аларга беренче ярдәм күрсәтелә, шуннан соң ашыгыч ярдәм машинасында Стәрлетамак балалар хастаханәсенең реанимация бүлегенә китерәләр.
«Малайларны коткару безнең команданың профессиональлеге һәм тәҗрибәле табиб, үз эшенең белгече Григорий Максимович Саарян ярдәмендә мөмкин булды», — диләр дәваханәдә. Реанимациядә тәннең ачык өлешләреннән — аяк-куллардан, култыклардан, йөздән, колаклардан һәм башның чәчле өлешеннән 465кә якын ук алып ташланган.
Балалар хәзер табиблар күзәтүе астында, аларның хәле яхшыра, куркыныч янамый. Дәвалау дәвам итә.
чыганак: https://kiziltan.ru/articles/donja/2023-06-30/balalarga-bal-kortlary-m-itk-n-3322404