Бу көннәрдә Татарстанның һәм Башкортстанның атказанган артисты Ришат Төхвәтуллин хатыны Алия Төхвәтуллина һәм гаилә дуслары белән Төркиядә ял итәләр. Пар ялдагы иң күңелле мизгелләрне социаль челтәрләрдә күрсәтеп бара.
Бер видеода Ришат ал төстәге кабартылган фламинго белән бассейнга чума. Бу вакыйганы төшергән Алиянең кадр артында рәхәтләнеп көлүе дә ишетелә.
Икенче видеода Ришат бассейнда йөзүен күрсәтә. Комментарийларда язылучылар артистның буй-сынын күреп гаҗәпләнгән. «Төрек фильмы герое кебек син», «Ришат, красавчик!», — дип язганнар.