Уфада яшәүче берәү нәсел ядкарен сатып, акча эшләргә булган.
Уфада яшәүче берәү гадәти булмаган миниатюра Коръәнне сатуга куйган. Ул белдерүне бушлай тәкъдимнәр мәйданчыгында урнаштырган.
«Ул минем гаиләмдә буыннан-буынга күчеп килде, мин хәтта аның бездә күпме вакыт сакланганын да белмим», — дип уртаклаша ир. «Миңа бу китап мирас итеп бирелде, ләкин мин аның турында бик аз беләм.»
Учка сыя торган Коръәннәр XIX-XX гасырларда һәм аннан да алдарак популяр булган. Аларны кечкенә зурайткыч пыялалы тартмачыкка салып йөрткәннәр. Сатучы китапка ничә ел икәнен төгәл белмәгәнгә, аның тышлыгы яки тартмасы нинди булганлыгын әйтә алмый. Аның бәясе, сүз уңаеннан, китапның үз гаиләсе өчен әһәмиятенә карап куелган.
«Мин аңа кызыксыну бармы-юкмы икәнен карарга булдым», — дип аңлата ул. — Әлбәттә, бу бәя бәхәсле.»
Кайбер социаль челтәр кулланучылары гаилә реликвиясен сатуга тискәре карашта. Ә сез бу хакта нинди фикердә?
чыганак: https://kiziltan.ru/articles/obchestvo/2023-08-13/15-million-sumga-kor-n-sata-3385896