Алия Карачурина гел яхшы сыйфатлардан гына тора кебек, югыйсә.
— Мин – тормышта да тыныч, тыйнак кеше. Мактануым түгел, әлбәттә, дусларым да моны раслар. Ләкин без барыбыз да – кешеләр, төрле чагыбыз була. Мин тиз кызам һәм тиз суынам. Бик якын кешеләр авыр сүз әйтсә, бик нык ачуланам. Бер начар сыйфатым бу. Ләкин миңа онытыр өчен күп вакыт кирәкми.
Тыйнаклык – яхшы тәрбия җимеше ул. Үземне белгәннән бирле, безнең өйдә һәрвакыт татарча җырлар гына яңгырады. Мин артистларның үз-үзләрен тотышын күреп, аларның зәвыгына сокланып, менә чын артист шундый булырга тиеш ул, дип үстем. Шул сеңеп калгандыр, — дип белдерә ул үзе.
чыганак: https://kiziltan.ru/articles/kultura/2024-01-27/ber-nachar-syyfatym-bar-3620023