Белгечләр тәкъдим иткән тынычлану ысуллары ярдәмгә килер.
Язын авитаминоз нәтиҗәсендә организм гомумән генә түгел, аның аерым системасы — нервылар да какшап китүчән.
Тискәре хис-тойгылар аңыгызны томалап, тормышыгызны ямьсезләмәсен өчен психологлар нервыларны өйдәге әйберләрне кулланып та тынычландырып алырга киңәш итә.
Шундыйлардан:
— чынаяк (барлык ачуыгызны туплап, шуның эченә кычкырырга була);
— кирәкмәгән кәгазь битләре (аларны йомарларга, ертырга, ыргытырга мөмкин);
— каләм (аның ярдәмендә күңелсез вакыйганы кәгазьгә төшерергә, аннары сызгалап яисә йомарлап ташларга);
— мендәр яисә бокс белән шөгыльләнү грушасы (аларны “тукмаганда” барлык начар уйлардан, көнчеллектән, кәеф төшүдән котылырга мөмкин).
чыганак: https://kiziltan.ru/articles/raznoe/2024-04-15/g-r-nervygyz-kakshasa-3728783 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday