Җомга, 14 июньдә, Татарстан территориясендә яшен вакытында җил тизлеге секундына 23 метрга кадәр фаразлана, көндез кайбер районнарда боз яварга мөмкин. Бу хакта метеорологларга сылтама белән Россия Гадәттән тыш хәлләр министрлыгының Татарстан буенча Баш идарәсе хәбәр итә.
Ведомство хезмәткәрләре яшен янгын китереп чыгарырга, корылма һәм конструкцияләр җимерелүгә, кешеләрнең һәм терлекләрнең имгәнүенә, үлеменә китерергә мөмкин, дип искәртә.
Ялгыз үсеп утыручы биек агач, печән кибәне, мич торбасы, биек корылма һ.б. янында торырга ярамый.
чыганак: https://tatar-inform.tatar/news/tatarstanda-yasen-kocle-il-ham-boz-yavu-kotela-5889072 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday