Биш егет-кыз авариядә үлгән дустын җирләп кайтканда, үзләре дә юл фаҗигасенә очрап, һәлак булган.
Барысы да – 21 яшькә кадәрге яшь-җилкенчәк.
Бу коточкыч хәл Красноярск краенда килеп чыккан. Җиңел машина рулендәге бер егет “Ашыгыч ярдәм” автомобиленә бәрелеп һәлак булган. Биш дусты аны җирләргә барган. Болары да җирләүдән кайтып килгәндә бик каты авариягә эләккән. Кызганычка, биш кешенең берсе дә исән калмаган.
Шул рәвешле 18-21 яшьлек өч кыз, 16 яшьлек үсмер һәм 19 яшьлек йөртүче егет, йөк машинасы белән бәрелешү аркасында, җан тәслим кылган. Фура шоферы җәрәхәтләнгән хәлдә хастаханәгә озатылган.
чыганак: https://t.me/c/1678401689/7267 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday