Башкортстанда яшәүче зур гаилә башлыгы контракт буенча СВОга киткән. Вахит Вәлиевнең бу гамәле турында Благовещен районы хакимияте башлыгы Анна Карабанова хәбәр итә.
«Бу гаилә — шәһәребезне төзекләндерү проектларында даими катнашучы. Алар үз шәһәрләрен аеруча яратып, риясыз ярдәм итә. Гаилә башлыгы Вахит Оборона министрлыгы белән контракт төзергә карар итте. Аңа 57 яшь, мондый карар аның күпсанлы гаиләсенә җиңел бирелмәде, ләкин ул аны патриотизм һәм гражданлык бурычыннан чыгып кабул итте», — дип яза Анна Карабанова үзенең telegram-каналында.
«Читтә кала алмадым. Анда яшьләр сугыша, аларның һәркайсы минем улым була ала. Безнең ике улыбыз да хәзер СВОда. Ярдәм итмәскә хакым юк. Яуга Ватанымны, балаларымны һәм яраткан хатынымны яклап китәм. Аларга кайтырга вәгъдә итәм», — дип Вахит Вәлиев сүзләрен китерә муниципалитет җитәкчесе.
чыганак: https://kiziltan.ru/articles/batyrlar-d-vere/2024-09-18/29-bala-tise-svoga-kitk-n-3933417 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday