Эшмәкәр, дөньядагы иң бай кешеләрнең берсе, яңа сайланган АКШ президенты Дональд Трампны яклаучы Илон Маск, Украинадагы конфликт озакламый бетәчәк, дип язган.
«Newsweek» басмасы Трамп планы турында яза. Хәзерге Россия һәм Украина гаскәрләре урнашкан фронт сызыгы буйлап 800 миль озынлыкта коралсызландырылган зона булдыру ниятләнә. Анда Европа һәм Британия гаскәрләре урнаша. Украинага 20 ел НАТОга керү тыела. Россия контролендәге җирләр аның үзендә кала. Трамп планы шундый.
Илон Маск шушы хәбәрне пост итеп куеп: «Озакламый мәгънәсез үтерешләр бетәчәк. Сугыштан табыш алучылар, сугышны кыздыручылар вакыты тәмамлана», – дип язган.
Бу планга карата Россия ягыннан әлегә бернинди комментарий да булмады.
чыганак: https://intertat.tatar/news/ilon-mask-ukrainadagy-konflikt-ozaklamyi-betacak-dip-aitkan-5869400 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday