2025 елның 1 гыйнварыннан эшләүче һәм эшләмәүче гражданнарның иминият пенсияләре 7,3% ка индексацияләнде һәм тагын 2,2% ка индексацияләнәчәк.
Бу хакта бүген Татарстан Республикасы буенча Россия Социаль фонды бүлеге коллегиясенең йомгаклау утырышында Эдуард Вафин хәбәр итте. «Россия Президенты Владимир Путин йөкләмәсе буенча иминият пенсияләрен 9,5% ка кадәр индексацияләү көтелә. 2025 елда картлык буенча пенсиянең уртача күләме 24 262 сум тәшкил итәчәк. Пенсионерлар безнең төп клиентларыбыз булып тора«, — дип билгеләп үтте ул. Вафин сүзләренчә, пенсияләр билгеләү һәм түләү — Россия Социаль фондының иң кирәкле хезмәтләреннән берсе. 2024 елда бүлекчә 59 меңнән артык Татарстан гражданына пенсия билгеләде. Республикада пенсия алучылар саны узган ел белән чагыштырганда 8 меңгә артып 1,1 миллионнан артык кешене тәшкил итте. 1 февральдән Россия Президенты йөкләмәсе буенча 40 тан артык социаль түләүләр һәм пособиеләр 9,5% ка индексацияләнәчәк. Тиешле карарны РФ Премьер-министры Михаил Мишустин имзалады.
Чыганак: https://vatantat.ru/2025/01/161239/ ТАТАР ТУДЕЙ ТЕЛЕГРАМ КАНАЛЫ - https://t.me/tatartoday
