Татар эстрадасы йолдызларының сабантуй, яңа ел, шәһәр көне һәм башка бәйрәмнәрдә чыгыш ясауларын яхшы беләбез һәм аларның катнашуларын бик теләп көтеп алабыз. Ә менә Фирдүс Тямаев инде чит ил бәйрәмнәрендә дә «катнаша» башлаган икән. Сүзебез, серле һәм шул ук вакытта бераз куркыныч Хэллоуин көне турында.
Танылган җырчы Фирдүс Тямаев инстаграм челтәренең актив кулланучысы. Ул концертларда гына түгел, көнкүрештә төшерелгән фото-видеоларны бик теләп урнаштырып бара. Мәсәлән, аның шәхси битендә бу көннәрдә төрле клубларда үткәрелүче Хэллоуин бәйрәмендә төшкән фотолар да урын алган.
Җырчы — җырчы инде, кая булса да халык яратып тыңлый торган җырларын башкарырга ашыга. Шаян күңелле Фирдүс тә гадәти булмаган дуэт белән җырлый: