4 июньдә бөтен мөселманнар изге Ураза гаетен үткәрәләр. Шул исәптән татар эстрадасы җырчылары үзләренең инстаграм аккаунтларына тәбрикләмәләр керткәннәр. Менә аларның кайберләре.
“Бу изге бәйрәм һәр йортка һәм һәр гаиләгә җылылык, шатлык, татулык, мәрхәмәт һәм иминлек алып килсен! Сезгә күп елларга җитәрлек сәламәтлек, бәхет, уңышлар, тынычлык һәм җан җылысы телибез! Бәйрәм мөбәрәк булсын!”,- дип Гүзәл Уразова гаиләсе белән фото кертте.
Илшат Яппаров: “Чын күңелдән сезне Ураза бәйрәме белән тәбриклим! Йортыгызга иминлек телим, өстәлләрегез мул, күңелләрегез тыныч булсын.”
https://www.instagram.com/p/ByRqfaVIlgk/
Лилия Хаснулова: «Изге Ураза Бәйрәме белән дуслар! Тоткан уразаларыбызны Аллаһы тәгалә кабул итсен!
Бу юлларны укыган һәр кешегә иксез-чиксез саулык һәм сәламәтлек, бәхетле гомер насыйп итсен.»
Винарис Ильегет “Бөек бәйрәм белән.”
“Хөрмәтле дин кардәшләрем, бәйрәмәбез белән сезне, исән-имин булыйк. Бәйрәмебез хөрмәтенә яңа җырыбыз сезнең өчен” дип, Камил Фехретдинов башкаруында бәйрәм уңаеннан чыгарылган яңа җырын тәкъдим итте Гүзәлия.
https://www.instagram.com/p/ByRagQBo05l/
Ришат Фазлыйәхмәтов: “Кемнәр түзде, Ходай сезгә сәламәтлек бирсен! Ураза гаете мөбәрәк булсын!”
Римма Никитина: “Ураза гаете мөбәрәк булсын! Тормышларыгыз бәрәкәттә, күңелләрегез тынычлыкта үтсен! Сау-сәламәт булыгыз! Тоткан уразаларыгыз кабул булсын!”
Иркә: “Бәйрәм белән, дусларым, якыннарым! Раббым һәрберегезнең белеп, белми кылган гөнаһларыгызны гафу итсен иде. Аминь”
Лилия Муллагалиева: “Рамазан Гаете мөбәрәк булсын! Күзегездә – нур, йөзегездә – елмаю, йөрәгегездә – Аллаһ, телегездән бисмилләһ китмәсен.”
Азат Фазлыев: “Ураза гаете белән!”
Фәрид Низамиев: “Күңелгә бик рәхәт бүген! Ураза гаетенең кадере, кыйммәте арта бара, Аллага шөкер!»