Күптән түгел Крокус-ситида аншлаг җыйган популяр Россия музыканты Элвин Грей (Радик Юльякшин) «Бүлмәдән чыкма» («Не выходи из комнаты») дип аталган көтелмәгән кискен социаль трек әзерли.
Яңа композиция сүзләрендә «Обойлар белән кушыл, космостан, эростан, расадан, вирустан баррикада артына кач» («Слейся с обоями, забаррикадируйся от космоса, эроса, расы, вируса») кебек өндәмә бар. Җыр Иосиф Бродский шигыренә язылган һәм, нигездә, рэп стилендә башкарылган.
Трекның релизы март аенда булачак. Экспертлар болай да күп санлы аудиториясе булган Элвин Грейның соңгы елларда социаль лирика белән мавыгучы яшьләр хисабына уңышка ирешәчәген фаразлый.
«Радик Юльякшин — талантлы музыкант кына түгел, уңышлы бизнесмен да. Ул яшьләрне җәмгыять һәм тормыш турында фикер алыша торган рэп-башкаручыларның күп миллионлы аудиториясенең бер өлешен җәлеп итү мизгелен дөрес тойды», — диде «Земфира» төркеменең элеккеге катнашучысы Сергей Миролюбов.
Мәгълүмат: tatar-inform.tatar