11 октябрьдән Татарстанда QR-кодлар һәм өлкәннәр өчен үзизоляцияләү кертелде.
Бүгеннән үк Чаллыда сәүдә үзәкләренә коронавирустан вакцина ясатуны раслый торган QR-код күрсәтеп кенә кереп була.
Чаллының бер сәүдә үзәгендә бу. Тиешле документың юк икән — керү дә юк дигән сүз.
Чаллыда тагын монда
яшәүчеләрдән җәмәгать урыннарына куар-код күрсәтеп керүгә карата фикерләрен сораштыралар. Видеодан күренгәнчә, җаваплар төрле.
— Иртән справка барып алдым. Паспортым менә. Менә мин. Мине кертмиләр! Этеп-төртеп чыгарып җибәрделәр, — дип сөйли бер пенсионер.
— Мин в шоке. Кертмиләр! Банкоматтан акча алмакчы идем, — дип үз фикерен белдерә яшь ир-ат.
Чаллыдагы «Леруа-Мерлен» кибетенә Татар тудей хәбәрчесе шулай ук барып карады. Чикләүләр турында олы стенд куелган, әмма әлегә бернинди дә тикшерүләрсез кертәләр. Алай да кибеттә халык саны аз.