Татарстанның һәм Башкортстанның халык артисты Салават Фәтхетдинов Башкортстаннан мобилизацияләнгән егетләрнең хәлләрен белеп кайткан. Хәзерге вакытта алар Казанда хәрби әзерлекләр үтә.
Тәтешле районы хакимияте башлыгы Фәнүр Шәйхисламов: «Янә сугышчылар белән очраштым. Сәлам тапшырдым, егетләрнең үтенечләрен үтәдем, заказларны, кирәкле әйберләрне алып килдем. Якташыбыз Салават Фәтхетдинов та тәтешлелеләргә ярдәм күрсәтте. Бик күп изге, ихлас теләкләр әйтелде. Үз чиратында хезмәт итүчеләрдән Тәтешле районына ялкынлы сәлам һәм зур рәхмәт. Егетләр булдыра, куелган бурычларны үтиләр. Без сезгә ышанабыз! Алга, Тәтешле!» — дип язган «Вконтакте» битендә.