Россия дәүләт Думасы депутаты Айрат Фәррахов Татарстанда 3 балалары булган аталар өлешчә мобилизациягә эләкмәде дип белдерә. Аның бу сүзләре дөрес түгел дип, шундук күтәрелеп чыктылар.
– Сезгә ялган мәгълүмат биргәннәр ахры. Менә Илсур исемле егет. Аның өч баласы, җитмәсә инвалид әнисе дә бар, — дип яза Илсур Шәйдуллинның дусты, музыкант Илмир Ямалов.
– Көн саен полигонда җырлап йөргән Илсурны да күрмәскә инде! Фәрраховка чыгарга кирәк. Бер аны күргәндә мин аны бик адекват, аек акыллы, кешелекле итеп истә калдырган идем! — дип яза журналист Альберт Шакиров.