Атлантик циклон килү белән Татарстанда һава температурасы күтәрелә башлаячак. Ялларда ук көндез +7 градуска кадәр җылыта. Бу климатик нормадан 3-4 градуска югары.
Һава торышы чәршәмбе үзгәрә башлый, иртәгә көндез һава температурасы + 4 градустан артмаячак. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.
9 һәм 10 ноябрьдә Татарстанда җепшек кар, урыны белән яңгыр яварга мөмкин. Чәршәмбе төнлә һава температурасы -3..+2 градус, көндез – 0..+5. Киләсе төндә 0..+4 градус, ә көндез +2..+7 градус көтелә.
Якынча мәгълүматлар буенча, җомга һәм шимбә республикада кабат яңгыр яварга мөмкин. Төнлә һәм көндез һава температурасы нульдән югары булачак – 0..+5 һәм +2..+7 градус.
чыганак: https://tatar-inform.tatar/news/sinoptiklar-yallarga-sizelerlek-ylytacak-dip-vagda-ita-5862550