Дөньяда нинди генә мәхәббәт өчпочмаклары юк!..
Бу язма белән хатын-кыз «ВКонтакте» социаль челтәренең «Подслушано Уфа» төркемендә уртаклашкан.
«Мин 8 ел дәвамында яратмаган ирем белән яшим. Гомумән, үз алдымда да гарьләнәм, чөнки мин аның абыйсын яратам. 6 ел инде иремә аның белән хыянәт итәм.
«Нигә аерылышмыйм?», дип сорарсыз. Чөнки мин аның абыйсына кирәкмим. Ул яшь, «гулять» итәргә ярата, искә төшкәндә мине кунакка чакыра. Ә мин үзем белән бернәрсә дә эшли алмыйм. Үлеп яратам шуны… Кияүгә чакырса, бүгеннән чыгар идем.
Ә иремә килгәндә, ул яхшы кеше. Балаларыбызны, мине ярата… Тормышымда бөтен әйбер дә бар, мәхәббәт кенә җитми…», дип язган ул.
чыганак: https://kiziltan.ru/articles/donja/2022-11-28/iremne-abyysyn-yaratam-3049223