Белгечләр, Татарстанда яшәүчеләр арасында сораштыру үткәреп, эш-карьера мәсьәләсендә Кыш бабайдан ниндирәк бүләк көтүләрен ачыклаган.
Респондентларның күбесе – 32 проценты хезмәт хакы артуны тели. Бигрәк тә төзүчеләр, транспорт һәм логистика хезмәткәрләре, кадрлар бүлегендә эшләүчеләр. 19 проценты яңа һөнәр үзләштерергә хыяллана. Аеруча IТ өлкәсендә эшләргә хыялланучылар күп (25%). 6% – маркетинг, 9% – сәнгать, 16% – финанс, 6% – медицина, 9% юрист һөнәрен үзләштермәкче.
Сораштыруда катнашучыларның 22 проценты Кыш бабайга һөнәри осталыгын үстерүне, 5 проценты – белгеч буларак танылуны, 14 проценты – өстәмә һөнәргә өйрәнүне, 3 проценты вазыйфасында үсү теләген җиткерүне күздә тота.
«Киләсе елда һөнәрне нәрсәгә карап сайлап алыр идегез?» дигән сорауга, респондентларның 57 проценты – хезмәт хакы күләменә, 49 проценты – тотрыклылык, 41 проценты – эштә үсү мөмкинлегенә, 46 проценты һөнәрнең ни дәрәҗәдә кирәкле булуына карап, дип җавап биргән.
чыганак: https://vatantat.ru/2022/12/100679/