Шушы берничә көн эчендә социаль челтәрләрдә Россиядә холера таралу куркынычы барлыгы турында хәбәрләр таралды. Әлеге имеш-мимешләргә Бөтендөнья сәламәтлек саклау оешмасының холера һәм эпидемик диарея авырулары буенча төркем җитәкчесе Филипп Барбоз сүзләре дә сәбәп булган иде. Ул миллиарддан артык кешенең холера белән авыру куркынычы барлыгын әйтте.
Әлеге хәбәргә Роспотребнадзор аңлатма бирде, дип яза РИА Новости.
– Россиядә холера таралу куркынычы бар, ләкин ул бик аз. Шуңа күрә без моны булдырмас өчен барысын да эшлибез. Быел илдә әлеге авыру ачыкланмады, – дигән Роспотребнадзор башыагы Анна Попова.
Аның сүзләренчә, Сәламәтлек саклау министрлыгында “нәтиҗәле эшләүче” вакцина запасы бар.